Zinedine Zidane
Chelsea wamekuwa wakihusishwa na kocha mkuu wa zamani wa Real Madrid Zinadine Zidane kama mbadala wa Graham Potter aliyetimuliwa kwa matokeo mabaya ya The Blues, lakini mabosi wa timu hiyo wanaonekana kupendelea uteuzi wa makocha wengine wenye majina makubwa.
Zidane alicheza katika timu ya Madrid iliyopewa jina la ‘Galacticos’ kutokana na uwezo wake wa kuteka vipaji vya kiwango cha dunia kutoka popote. Kuwasili kwa Mfaransa huyo huenda kutaipa Chelsea nguvu kubwa katika soko la usajili, huku wachezaji bora wa ulimwengu wakishawishiwa zaidi kuhamia Stamford Bridge.
Baada ya kuondoka kwa Graham mabosi wa Chelsea waliamua kumuajiri kwa muda mchezaji wao wa zamani Frank Lampard, ambaye alipatiwa miezi 6 ya kumamalizia msimu na timu kabla hajapatikana kocha mpya.
Hata hivyo kumekuwa na majina makubwa ya makocha wanaohusishwa na Cheslea miongoni mwa majina hayo ni Zidane ambaye ubora wake unajulikana na kila mtu.