Chelsea, Spurs wamgombania Jobe

Kiungo wa klabu ya Sunderland, Jobe Samuel Patrick Bellingham yupo kwenye kinyang'anyiro cha vilabu kadhaa barani Ulaya ikiwemo Chelsea na Tottenham Hotspur ambazo zinamtupia macho kwa ajili ya kuipata saini yake.

Vilabu vya Italia, Juventus, Inter Milan na AC Milan pia vimeripotiwa kuwa kwenye mbio za kuinasa saini ya kinda huyo mwenye umri wa miaka 18.

Jobe raia wa England ambaye ni ndugu wa nyota wa Real Madrid na timu ya Taifa England, Jude Bellingham amekuwa na kiwango bora sana msimu huu tangu ajiunge na Sunderland.