Chama atupia tena Timu ya Taifa

Zambia imemaliza kama mshindi wa tatu wa mashindano maalum ya kirafiki yaliyoshirikisha Mataifa manne kufuatia ushindi wa 2-1 dhidi ya wenyeji, Malawi katika dimba la Bingu, mjini Lilongwe Malawi.

Mabao ya Zambia yametiwa kimiani na nahodha wao Clatous Chota Chama na Patson Daka huku bao pekee la Malawi likifungwa na Lawrence Chaziya.

FT: Zambia 2-1 Malawi

⚽ Chama 16’

⚽ Daka 18’

⚽ Chaziya 22’.

Juzi katika mechi dhidi ya Zimbabwe iliyomalizika kwa sare ya bao 2-2, Chama alifunga bao la pili dakika ya 24 ya mchezo wakati bao la kwanza likifungwa na Stoppila Sunzu dakika ya 5 kabla ya Msumbiji kusawadhisha mabao yote kabla ye kwenda mapumziko.

Chama sasa anarejea nchini fasta kuungana na wenzake Simba SC kwa ajili ya maandalizi ya mechi ya robo fainali ya Klabu Bingwa Afrika dhidi ya Al Ahly utakaopigwa Ijumaa, Machi 29, 2024 katika Dimba la Mkapa.