Cavani, Mata haoo Barca

Manchester United inajiandaa kupokea ofa za kuuza wachezaji wawili kwenda Barcelona.

Wachezaji ambao majina yao yanatajwa kuwa yanaweza kuingia kwenye ofa hiyo ni mshambuliaji Edinson Cavani na Juan Mata.

Cavani alikuwa na umuhimu mkubwa chini ya Kocha Ole Gunnar Solskjaer lakini ujio wa Cristiano Ronaldo ukasababisha arudishwe nyuma katika kuchagua aina ya wachezani wa kikosi cha kwanza wakati ambapo Mata amekuwa na wakati mgumu kupata namba kikosini hapo.

Kocha wa sasa wa United, Ralf Rangnick ameonyesha kutokuwa na nia ya kuwatumia wachezaji hao katika mipango yake ya kikosi cha kwanza, hivyo wanaweza kuuzwa wakati wa dirisha dogo la Januari, mwakani.