Nahodha wa Argentina, Lionel Messi
Kocha wa zamani wa England, Fabio Capello ameusifu uchezaji wa Lionel Messi na Kylian Mbappe kwa Argentina na Ufaransa katika nusu fainali ya Kombe la Dunia Qatar 2022.
Wachezaji wenza wa Paris Saint-Germain wamekuwa vinara wa michuano hiyo, na watamenyana katika fainali siku ya Jumapili nchini Qatar huku kombe likiwa mbele yao kila mmoja akilitaka.
Kwa Messi, ni nafasi ya kukusanya heshima kubwa ambayo imemponyoka katika maisha yake yote ya soka, huku kwa Mbappe ikiwa ni fursa ya kutetea taji aliloshinda nchini Urusi mwaka 2018.
Fabio Capello alikuwa na maneno ya fadhili kwa wanaume hao wawili, akisema walikuwa watu muhimu katika kuongoza timu zao kwa ushindi dhidi ya Croatia na Morocco.
Capello amesema kuwa; “Messi na Mbappe walifanya tofauti katika nusu fainali yao, Messi alizalisha mchezo mzuri na Mbappe alifika mara mbili karibu na lango, mashuti yake mawili yalisababisha yaliivurumisha Morocco.”
Kocha huyo anaamini Messi hakuwa ameonyesha cheche kila mara kabla ya onyesho lake la kuvutia la nusu fainali dhidi ya Croatia, akisema kuwa Messi amerudi kuwa Messi na hiyo inatumika tu kwa mchezo wa Argentina na Croatia kabla ya mechi hiyo.
Muitaliano huyo aliongeza, imekuwa Kombe la Dunia zuri. Makocha hawakuwapa nafasi wapinzani wao na nimeona umakini mkubwa kwa undani. Wachezaji walifika na kukimbia sana huku wachezaji wakionyesha ubora wao.