Cadena: Niliambiwa lazima Manula adake derby

Kocha wa makipa wa Simba, Dani Cadena amefunguka mazito kuhusu timu hiyo ikiwemo suala la kichapo kikubwa cha mabao 5-1 walichopokea kutoka Kwa Yanga.

Cadena ameweka wazi kuwa wakati wakijiandaa na mchezo huo Novemba mwaka Jana, akipata agizo kuwa ni lazima Aishi Manula adake na Ilikuwa amri.

"Siku mbili kabla ya mechi ya Derby ya Kariakoo nilishangaa tu naambiwa Aishi Manula yuko tayari kwa ajili ya mchezo. Nilishangaa kwa sababu huwa sio kawaida yake, huwa naulizwa kuhusu hali ya makipa wangu lakini haikuwa hivyo"

"Sikutaka kupingana na kocha mkuu kwa kuwa sipendi kubishana na kocha mkuu na namheshimu, lakini siku hiyo hiyo niliongea na Aishi kwa sababu nimemfundisha na nilijua hayuko tayari kwa mchezo huo, ningekuwa naruhusiwa kutoa ushauri wangu usingecheza keshokutwa," amesema Cadena ambaye amemaliza mkataba wake Simba.