Rais wa shirikisho la soka Barani Afrika Patrice Motsepe
Shirikisho la Soka Afrika (CAF) limeiomba Kamati yake ya Ukaguzi na Utawala, kuchunguza tuhuma za ukiukaji wa kanuni zake za ndani za utawala na ukaguzi kwenye Sekretarieti ya CAF.
Kamati ya Ukaguzi na Utawala itateua mojawapo ya Mashirika ya Kimataifa ya Sheria yanayoheshimika zaidi au kampuni inayoheshimika Kimataifa ya Ukaguzi na huduma za kitaalam, kuchunguza tuhuma za ukiukwaji wa kanuni za ukaguzi wa ndani na utawala wa CAF na kisha kuwasilisha ripoti kwa kamati ya utendaji ya CAF .
Rais wa CAF, Dk Patrice Motsepe alisema: “CAF haivumilii kabisa rushwa au kukiuka kanuni za utawala wa ndani, ukaguzi na uwazi wa CAF au kwa kukiuka sheria na kanuni za CAF na FIFA. Tumejitolea CAF kuzingatia utawala bora wa Kimataifa, ukaguzi, uwazi na maadili bora na tukaanzisha mwaka wa 2021, idara ya utawala wa ndani na uzingatiaji katika CAF.
“Idara hii ya utawala wa ndani na uzingatiaji ilileta madai ya ukiukaji wa kanuni za ukaguzi wa ndani na utawala wa CAF. utamaduni wa sasa katika CAF wa kutekeleza na kuzingatia utawala bora wa kimataifa, ukaguzi, uwazi na maadili bora umesababisha CAF kuheshimiwa na wafadhili wake, washirika, Serikali za Afrika na wadau wengine wa Afrika na kimataifa. Tumejitolea na tumedhamiria kudumisha heshima hii iliyopatikana kwa bidii” amesema Rais wa CAF
CAF EXCO itajadili ripoti na mapendekezo ya kamati ya ukaguzi na utawala na hatua stahiki zitachukuliwa mara moja iwapo tabia au tabia zisizofaa zitatambuliwa na kamati ya ukaguzi na utawala.