Buku tano kuwaona Mamadou Doumbia na Musonda kesho

Vinara wa Ligi Kuu ya NBC, Klabu ya Young Africans Jumatatu ya January 23, 2023 itashuka Uwanja wa Benjamin Mkapa kuikabili Ruvu Shooting kwenye Mchezo wa Ligi Kuu hiyo raundi ya 21.

Kuelekea mchezo huo ambao ambao utapigwa kuanzia saa 1:00 Usiku, Young Africans imetangaza viingilio ambapo kwa VIP A itakuwa Tsh 15,000.

Viingilio vingine vimetajwa kuwa kwa VIP B na C itakuwaTsh 10,000 na kwa Mzunguuko itakuwa Tsh 5,000 tu.

Afisa Habari wa Klabu hiyo Ali Shabaan Kamwe amesema kuwa kuanzia Jumatatu wanaanza kuhesabu mechi nane ambazo wanahitaji kushinda ili kutwaa Ubingwa wa Ligi Kuu ya NBC msimu huu 2022/2023.

Kamwe amewataka Mashabiki wa Klabu hiyo kununua tiketi zao kwa wingi ili kuwaongezea hamasa Wachezaji wao katika mchezo huo ambao wanahitaji ushindi wa aina yoyote.