Bongo hakuna winga kama Kibu
Mchambuzi wa masuala ya soka nchini, Michael Damias amedai kuwa kwa Ligi ya Tanzania kwa sasa hakuna winga bora kama Kibu Denis wa Simba Sc.
Kibu ambaye msimu huu amecheza takribani mechi zote anasifika kwa mbio, kuwachukua mabeki wa timu pinzani, kukaba na kuwatengenezea nafasi washambuliaji wenzake ili waweze kufunga.
"Yanga nzima hakuna winga kama Kibu Denis, ukiwaangalia Farid Musa, Denis Nkane, Skudu wote hawakupi anachokupa Kibu Denis Proper.
"Hii ni dhahabu ambayo iko mchangani hatuipi thamani. Max Nzengeli na Aziz Ki, wanaweza kucheza pembeni lakini sio mawinga kiasili hawa ni viungo washambuliaji," amesema Michael Damias.
Inaelezwa kuwa, Kibu ambaye mkataba wake unaisha mwishoni mwa msimu huu amegoma kusaini mkataba mpya na Simba akitaka aondokea klabuni hapo akatafute changamoto sehemu nyingine huku Yanga wakitajwa kumnyatia Mtanzania huyo mwenye asili ya Congo DR.