Nyota wa mchezo wa UFC, Conor McGregor
Nyota wa UFC Conor McGregor amedai ‘ameomba taarifa’ kuhusu kuwa mmiliki ajaye wa Liverpool siku chache baada ya wamiliki wa timu hiyo Fenway Sports Group kutangaza klabu hiyo kuiuza.
Raia huyo wa Ireland hajashiriki katika pambano tangu kupoteza kwake dhidi ya Dustin Poirier mnamo Julai 2021 na inaonekana huenda ni kwa sababu ya kujikita kwake na miradi mingine ya biashara.
Huku FSG ikitaka kuuza hisa za Liverpool, McGregor ambaye ni shabiki anayejulikana wa Manchester United, alijumuisha jina lake kama mrithi anayetarajiwa wa wamiliki wa Anfield kupitia Maswali na Majibu kwenye mitandao ya kijamii.
Alipoulizwa na mashabiki kama angependa kuinunua klabu hiyo ya Merseyside, McGregor aliandika:
‘NITAIPENDA! Niliomba maelezo juu ya hili, ndiyo. Mara niliposikia".
Kauli yake inakuja kama ya mshangao kutokana na uhusiano wake na Manchester United, ambayo imekuwa ikizungumzwa siku za nyuma.
Akiongea wakati wa Maswali na Majibu ya FIFA mnamo 2019, alisema: “Nilikuwa mchezaji zaidi kuliko mtazamaji zamani, lakini Manchester United ilikuwa timu yangu.
“Ilikuwa ni siku nyingine tu nilikutana na picha yangu ya zamani nikiwa nimevaa jezi ya rangi ya kijivu ya United, ambayo niliinunua kwa pesa yangu [ya Kwanza Takatifu] ya Ushirika nikiwa na umri wa miaka minane. Ninamuona mwanangu ninapotazama picha hiyo. Ningependa kujua iko wapi sasa. Jezi ya soka ya ‘Notorious’ kweli!”.