Jezi ya Yanga ikiwa na Logo ya mdhamini kama inavyoonekana
Baada ya kutoa kauli kuwa "Tamaduni" zao haziruhusu kuvaa rangi nyekundu katika jezi zao wengi walisubiri kuona nini hatma ya songombingo hilo ambalo litakwenda kutokea baina ya Yanga na Shirikisho la mpira wa miguu Tanzania TFF.
Sasa mechi dhidi ya Ruvu, Yanga walivaa Logo ya mdhamini lakini ya rangi nyeusi ikiwa ni tofauti na ile ambayo wengi wanaifahamu.
Kuhusu Yanga kutumia logo yenye rangi nyeusi ya mdhamini wa Ligi Kuu Tanzania Bara, NBC, badala ya rangi nyekundu, Bodi ya Ligi imetoa tamko kuhusu suala hilo.
Mkurugenzi wa Bodi ya Ligi, Almasi Kasongo amesema: “Suala la nembo ni suala la kikanuni na Bodi ya Ligi kazi yake kusimamia kanuni mwenye dhamana ya kusimamia hilo ni yule mwenye nembo yake.
“Bodi ya ligi ina nembo yao TFF ina nembo yao na kila klabu ina nembo yake. Bodi tutasimamia kanuni zinavyosema na pia tutazingatia makubaliano baina ya mwenye nembo na klabu husika.
“Na haiwezekani mwenye nembo aseme tumekubaliana na mhusika flani halafu bodi ipinge, bodi ipo kwa ajili ya kusave interest ya klabu na bodi ya ligi ni suluhisho na si kuwa chanzo cha tatizo kwa wadau wetu.”