Bocco: Mo Dewji asante, Manara kila la kheri

MSHAMBULIAJI wa Simba John Bocco ameipongeza Bodi ya wakuregenzi ya timu hiyo chini ya Mohamed Dewji 'MO' na Barbara Gonzales.

Kupitia katika akaunti yake ya Instagram Bocco alisema kuwa "Ulistahili hii zawadi Mohamed Dewji 'MO' ukiwa kama mwenyekiti wetu na muwakilishi wa Wanasimba wote"

"Niwashukuru mashabiki wetu kwa umoja wenu na upendo kwa sisi wachezaji wenu, niwashukuru sana viongozi wetu kwa juhudi maarifa na mazingira mazuri wanayotuwekea sisi wachezaji ilikuifanya kazi yetu vizuri"

"MO' Dewji na Barbara pokea asante yetu boss tunathami sana moyo wako na mazingira mazuri ya kazi unayotuwekea boss pamoja na bodi yako kwa ujumla, umoja wetu na upendo wetu ndio nguzo ya sisi kufanya vizuri zaidi kwa msimu unaokuja niwakati wakuzidisha imani, upendo na umoja kwa wachezaji, benchi la ufundi pamoja na viongozi wetu ili tuzidi kupata mafanikio makubwa zaidi kwa misimu ijayo" alisema.

Katika hatua nyingine Bocco alimshukuru aliyekuwa msemaji wa timu hiyo Haji Manara katika utumishi wake tangu alipohudumu Simba kwa zaidi ya miaka sita.

"Nikushukuru kaka kwa kuitumikia club yetu nakutakia kheri kwa kila jambo kaka mkubwa nguvumoja" alisisitiza.