Benzema, Courtois kuikosa Nusu Fainali ya Klabu Bingwa ya Dunia

Karim Benzema na Thibaut Courtois wameachwa nje ya kikosi cha Real Madrid kitakachoshiriki nusu fainali ya Kombe la Dunia la Klabu Jumatano dhidi ya Al Ahly.

Nahodha wa timu hiyo Benzema alipata jeraha la mguu katika ushindi wa 2-0 wa LaLiga dhidi ya Valencia wiki iliyopita na mshambuliaji huyo akakosa mchezo wa Jumapili ambao walipoteza wakiwa ugenini kwa bao 1-0 dhidi ya Real Mallorca.

Kipa Courtois alipata maumivu ya paja wakati wa maandalizi ya kushindwa kwa Mallorca, jambo ambalo linawaacha Madrid wakiwa nyuma ya Barcelona kwa pointi nane.

Kati yao hakuna aliyesafiri na kikosi cha Madrid kuelekea mji mkuu wa Morocco Rabat siku ya jana, huku Eder Militao, Lucas Vazquez, Ferland Mendy na Eden Hazard pia hawakuwepo.

Wachezaji muhimu Benzema na Courtois bado wana nafasi ya kuwa fiti kwa fainali ya Jumamosi dhidi ya Flamengo au Al Hilal, iwapo Madrid wataishinda Al Ahly ya Misri.

Los Blancos, ambao wameshinda taji hilo mara nne katika misimu nane iliyopita, pia wana mechi ya mkondo wa kwanza ya hatua ya 16 bora ya Ligi ya Mabingwa dhidi ya Liverpool ndani ya wiki mbili.