Benchikha amtema Aubin Kramo Simba

Kwa mujibu wa Kocha Mkuu wa klabu ya Simba, Abdelhak Benchikha ameusisitizia Uongozi wa Simba kuachana na kiungo wao mshambuliaji Aubin Kramo katika dirisha hili dogo la uhamisho la msimu.

Inatajwa Kocha Abdelhak Benchikha anahitaji Aubin Kramo kuondolewa kwenye kikosi cha Simba na katika 'system' ili kupisha wachezaji wengine watakaosajiliwa kwakuwa ameshauambia Uongozi ufanye usajili wa kiungo mshambuliaji mwingine.

Aubin Kramo hajaonesha uwezo kutokana na kusumbuliwa na majeraha tangu asajiliwe, Benchikha anahitaji mchezaji mwingine kwakuwa itachukua muda mrefu ili Kramo arudi kwenye ubora wake.

Je unadhani ni muda sahihi kwa Simba kuachana na Aubin Kramo?