Bayern yaichapa Wolfsburg 4-2

Bayern Munich imerejea kwenye njia za ushindi kwa kuichapa bao za kutosha Wolfsburg 4-2 katika mchezo wa Ligi Kuu nchini Ujerumani Bundesliga mtanange ambao umeshuhudia Bayern wakimaliza pungufu kufuatia Joshua Kimmich kuonyeshwa kadi nyekundu.

Kingsley Coman alianza kufungua akaunti ya mabao kwa Bayern Munich kwa kufunga mawili kisha fowadi Thomas Muller akaongeza la tatu.

Jakub Kaminski akafunga bao moja kwa wenyeji Wolfsburg ikafuatiwa na tukio la Kimmich kuonyeshwa kadi nyekundu dakika ya 54.

Lakini Jamal Musiala aliongeza bao la nne muda mfupi Mattias Svanberg akafunga bao la pili kwa Wolfsburg.

Ushindi huo unaipeleka Bayern kileleni mwa msimamo wa Ligi Kuu nchini Ujerumani Bundesliga kwa tofauti ya pointi moja dhidi ya Union Berlin ambao walishinda goli 2-1 kwa Mainz.