Basi la Timu ya Aston Villa lashambuliwa

Basi la timu ya Aston Villa limeshambuliwa likiwa barabarani baada ya mechi ya Ligi ya England dhidi ya Burnley.

Tukio hilo limetokea baada ya mechi iliyochezwa leo jioni ambapo Villa waliibuka na ushindi wa mabao 3-1.

Klabu ya Burnley imeeleza kusikitishwa kwao na kitendo hiko, vilevile imesema kuwa imezungumza na Villa na hakuna mtu yoyote aliyeumia kwenye tukio hilo.

"Tutashirikiana na Polisi wa Lancashire ili kubaini waliohusika na tukio hilo".

Kwa mujibu wa Polisi, jiwe lilirushwa kwenye basi hilo, likagonga kioo cha mbele na kusababisha uharibifu.

Uchunguzi kuhusiana na tukio hilo bado unaendelea.