Barcelona yamteua Sergi Barjuan nafasi ya Koeman

Klabu ya Barcelona imemteua Sergi Barjuan kama Kocha wa muda kuatiwa kutimuliwa kwa Kocha Ronald Koeman.

Barjuan, ambae alikua ni mwalimu wa Kikosi B cha timu ya Barca, atatambulishwa kwa wachezaji wa kikosi cha wakubwa leo Alhamisi na Rais wa klabu Joan Laporta.

"Nafasi yake kama kocha wa muda katika kikosi cha wakubwa, kitaisha mara tu baada ya klabu kuajiri kocha mpya "imesema taarifa ya Barcelona.

Barjuan mechi yake ya kwanza itakua nyumbani Camp Nou dhidi ya Alaves siku ys Jumamosi, Oktoba 30.

Koeman ametimuliwa kazi kufuatia kipigo dhidi ya Rayo Vallecano siku ya Jumatano baada ya kudumu klabuni hapo kwa miezi 14 kama kocha.

Barjuan ni mchezaji wa zamani wa Barca, na ameshashinda ubingwa wa La liga mara tatu akiwa na Barca, na alikuwa ni beki wa kushoto.