Barcelona kupunguza mishahara ya wachezaji

Barcelona ilikumbwa na changamoto kubwa ya kifedha chini ya Rais wa zamani Josep Maria Bartomeu miaka miwili iliyopita, ambapo licha jitihada kubwa zilizofanyika kuboresha hali ya uchumi wa klabu mpaka sasa bado wanasumbuliwa na changamoto hiyo.

Katika kuboresha uchumi wa klabu na nidhani kwa wachezaji Barcelona sasa wameingiza vipengele kwenye mikataba ya wachezaji wao ambapo mchezaji ataadhibiwa kwa kupunguziwa mshahara kwa 10% ikiwa hatohudhuria matukio muhimu ya klabu, iwapo atakosa matukio matatu katika msimu mzima, basi kifungu hicho kitatumika.

Pia kuna kanuni za matumizi ya mitandao ya kijamii kwa wachezaji wakati wakiwa kazini, ingawa hakuna maelezo zaidi yanayoeleza kanuni hiyo inatumika wakatio gani, ikiwa mazoezi, kabla na wakati wa mechi, au kwenye kambi, vikwazo vimeingizwa kwenye mikataba ya wachezaji.

Pamoja na kuwajibika zaidi kifedha, Barcelona wametumia miezi kumi na minane iliyopita kujaribu kurejesha nidhamu katika klabu hiyo.

Huku akienda mbali na neno nidhamu lenyewe, kocha mkuu wa Barcelona Xavi Hernandez aliangazia umuhimu wa nidhani ndani na nje ya uwanja wakati wa mkutano wake na wanahabari.