Barcelona kumnunua Lewandowski kwa Bilioni 97

FC Barcelona wamepeleka ofa yao ya kwanza yakumsajili mshambuliaji wa Bayern Munich Robert Lewandowski. Tayari mshambuliaji huyo ameomba kuondoka na mkataba wake na the Bavarians unamaliza mwakani 2023.

Barcelona wamepeleka ofa ya pauni million 34 zaidi ya Bilion 97 (97,269,332,362.75) kwa pesa ya Tanzania kama ada ya uhamisho ya mshambuliaji huyo raia wa Polanda mwenye umri wa miaka 30. Katika offa walioituma Barcelona inaripotiwa wamejipanga kumpa mkataba wa miaka mitatu (3) Lewandowski kama offa yao itakubaliwa.

Lewandowski mchezaji bora wa Dunia wa FIFA mara mbili tayari alishapeleka maombi kwa uongozi wa Bayern Munich kuwa anataka kuondoka klabu hapo, mshambuliaji huyo pia ni chaguo la kwanza la Barcelona kwenye mahitaji yao kuelekea msimu ujao wa 2022-23 na wanataka awe sehemu ya kikosi kipindi cha maandalizi ya msimu mpya (Pre-season).

Robert Lewandowski alijiunga na Bayern Munich msimu wa 2014-15 akitokea Borussia Dortmund hivyo kaitumikia Bayern kwa misimu 8, katika misimu hiyo kacheza michezo 375 na kafunga mabao 344. Msimu uliopita 2021-22 Lewandowski alifunga jumla ya mabao 50 kwenye michuano yote katika michezo 46.