"Barcelona kuifunga Bayern haiitakua ajabu"-Xavi

Meneja wa Kikosi cha Barcelona, Xavi Hernandez, amesema kuwa hadhani kama wanahitaji maajabu kuifunga Bayern Munich nyumbani kwao pale watakapokutana katika mchezo wa kukamilisha hatua ya Makundi UEFA..

Barcelona wanahitaji kuifunga Bayern Alliaz Arena usiku wa leo, ili kusonga hatua inayofuata ya 16 bora Ligi ya Mabingwa Barani Ulaya.

"Kila kitu kipo mikononi mwetu, na tutajitoa kwa kila hali, baada ya mchezo tutajua nini kinafuata" amesema Xavi katika mkutano na waandishi wa habari.

"Sioni kama ni maajabu ni mchezo mmoja na tunaweza kumfunga yoyote"

Bayern haijapoteza mchezo wowote katika michezo yake mitano iliyopita ya hatua ya makundi, na tayari wameshafuzu kwa hatua inayofuata.