Winga wa Barcelona, Ousmane Dembele akimtoka mchezaji wa Osasuna
Kikosi cha kocha Xavi Hernandez, FC Barcelona kimeendelea kuchechemea kufuatia kulazimishwa sare ugenini ya magoli 2-2 na Osasuna katika mchezo wa Ligi Kuu nchini Hispania La Liga mtanange uliopigwa Leo Jumapili Disemba 12.
Matokeo hayo yanaifanya Barca kushuka mpaka nafasi ya nane kwenye msimamo wa La Liga alama 15 pungufu ya kinara wa Ligi hiyo Real Madrid ambaye atakuwa na mchezo Leo Jumapili usiku Disemba 12 dhidi ya Atletico Madrid.
Mabao ya Barcelona kwenye mechi hiyo yamefungwa na kinda Nicolas Gonzalez na Abdessamad Ezzalzouli, wote wakiwa na miaka 19. Mabao ya mwenyeji Osasuna yamewekwa kimiani na David Garcia na Ezequiel Avila.
Kwa sasa Barcelona imekuwa timu ya kawaida ambayo haina uhakika na kesho yake kimatokeo ambapo hayo yanatokea timu ikiwa hovyo kiuchumi.