Bangala atwaa tuzo ya Kiungo Bora wa Mwaka

Kiungo wa Yanga na Timu ya Taifa ya Congo DR, Yannick Bangala ameibuka kidedea na kutwaa Tuzo ya Kiungo bora wa Ligi Kuu msimu wa 2021/22.

Bangala anatajwa kuwa mwiba kwa wapinzani wakati timu yake ikicheza. Anatajwa kuwa mmoja wa viuongo wazuri kwenye kupora mipira, kuanzisha mashambulizi na kupiga pasi zenye ufasaha.

Aidha, mchezaji huyo ana sifa nyingine ya kucheza nafasi nyingi zaidi uwanjani kutokana na majukumu anayopewa na mwalimu wake.

Kocha Nasreddine Nabi wa Yanga amekuwa akimtumia Bangala kama kiuong na wakati mwingine kama beki wa kati lakini Mkongomani huyo amekuwa akimudu nafasi zote na kucheza vizuri.