Baleke ataondoka na mpira dhidi ya Yanga-Ahmed Ally

Habari na Mawasiliano wa Simba SC, Ahmed Ally ametupa dongo kwa watani zao Yanga akidai kuwa mchezaji wao hatari kwa sasa Jean Baleke ataondoka na mpira akimaanisha atawafunga goli tatu siku watakapokutana Aprili 16.

"Jana hatujalala tumekesha tunabembeleza Baleke alikua analia usiku kucha analalamika kwanini hajaondoka na mpira kwenye mechi ya Ihefu. Ikabidi tumuahidi kuwa ataondoka na mpira April 16 ndo akanyamaza.''- Ahmed Ally

Maneno hayo ya Mzee wa 'Kispika' nikama ana 'Wafokea' Wananchi wajipange kisawasawa kutokana na uwepo wa mfungaji huyo raia wa Kongo Jean Baleke.

Baleke mpaka sasa amefikisha jumla ya magoli saba (7) Ligi Kuu ndani ya kipindi kifupi tangu asajiliwe na Simba kwenye dirisha dogo.