Azam yatambulisha Makocha timu za Vijana

Klabu ya Azam FC imetambulisha makocha wawili wa timu zake za vijana, Mohamed Badru, U-17 na Mussa Rashid U-20.

Badru amewahi kufundisha klabu za Mtibwa Sugar, Gwambina na Malindi ya kwao, Zanzibar na Rashid amefundisha African Sports ya Tanga na kila mmoja amesaini mkataba wa miaka miwili.

Wawili hao wanakwenda kuchukua majukumu yaliyokuwa yanafanywa na Mrundi, Vivier Bahati, ambaye amepandishwa kwenda timu kubwa ya Azam FC, akiwa Kocha Msaidizi wa George Lwandamina.