Azam yamkanda KMC 5-0

Gari limewaka huko Azam FC, wameendelea kushusha kichapo kizito kwa kumfunga KMC 5-0 katika mchezo wa Ligi Kuu ya NBC.

Mchezo huo umepigwa jana Desemba 7, 2023 katika Uwanja wa Azam Complex, Chamazi jijini Dar ambapo magoli ya Azam yalifungwa na Dube, Zunon, Sillah na Feitoto.

Kwa ushindi huo, Azam wamekwea kileleni kwenye msimamo wakiwa na alama zao 25 wakiwa wamecheza michezo 11. Yanga wamekamata nafasi ya pili wakiwa na alama 24 wakiwa wamecheza mechi 9 na ya tatu ni Simba SC ambao wana alama 19 baada ya kucheza mechi 8.