Azam yaichapa JKU 3-0

Kufuatia mapumziko ya mechi za kufuzu Kombe la Dunia kwa timu za Taifa, Azam FC wameendelea kujionoa kujiandaa na mechi za Ligi Kuu ya NBC pindi itakaporejea.

Jana Novemba 19, Azam FC walijipima nguvu na JKU na kufanikikiwa kuibuka na ushindi wa goli 3-0 katika Uwanja wao wa Azam Comlex, Chamazi jijini Dar.

Magoli ya Azam yaliwekwa kimiani na Diao dakika ya 47 ya mchezo pamoja na Syllah aliyetupia mawili, dakika ya 63 na 74.

Azam FC wanatarajia kushuka dimbani Ijumaa hii Novemba 24, 2023 kuwakabili Mtibwa Sugar mechi ya mzunguko wa 10.

Mpaka sasa kwenye msimamo wa Ligi Kuu ya NBC, Azam wanakamata nafasi ya pili wakiwa na alama zao 19 sawa na Mnyama Simba SC ambaye wamemzidi kwa idadi ya magoli ya kufunga na kufungwa. Hata hivyo Simba anacho kiporo kimoja mkononi dhidi ya Mashujaa FC.