Azam kujiuliza mbele ya Geita Gold leo

Baada ya kukubali kichapo kutoka kwa Dar Young Africans siku ya jumamosi, Matajiri wa Jiji Azam FC, watakua na cha kujiuliza jioni ya leo pale Uwanja wa Azam Complex mbele ya wageni wa Ligi Kuu Geita Gold.

Azam FC wataikaribisha Geita Gold leo Novemba 2, katika mchezo wa raundi ya tano wa Ligi Kuu ya NBC Azam Complex, Chamazi Jijini Dar es Salaam.

Azam wanaingia katika mchezo huo wakiwa na kumbu kumbu mbaya ya kupoteza michezo yao miwili iliyopita dhidi ya FC Pyramids, Kombe la Shirikisho Afrika, na wakapoteza tena dhidi ya Yanga.

Azam kwa sasa inakamata nafasi ya 11 katika Ligi wakiwa na alama nne, huku Geita Gold ikikamata nafasi ya 13 katika msimamo wa Ligiwote wakiwa wameshacheza michezo minne.

Mashabiki wa Azam FC, wanatazama matokeo hayo wanayoyapata kama kushindwa kazi kwa benchi la ufundi la klabu hiyo.