Wachezaji wa akiba wa Azam Fc, wakifatilia zoezi la upigaji penati
Wawakilishi wa Tanzania Katika michuano ya Cecafa Kagame Cup, Azam Fc wamengoka katika michuano hiyo. Ni katika mchezo wa nusu fainali ya Pili uliochezwa jana, Uwanja wa Azam Complex Jijini Dar es Salaam.
Dakika 90 za awali zilimalizika kwa kushuhudia Timu hizo zikienda sare ya kufungana mabao 2-2.
Bao la mapema la Bright Muthalk dk ya kwanza liliwapoteza wawakilishi wa Tanzania, Azam FC waliokubali kwenda mapumziko wakiwa nyuma kwa bao hilo.
Kipindi cha pili waliamka Azam FC na kutengeneza majaribio kadhaa na iliwabidi wasubiri mpaka dk ya 67 kupachika bao la usawa kupitia kwa Paul Peter.
Kasi ilizidi kuwa kubwa kwa vijana hao ambapo dk ya 74 nyota wao mwingine Oscar Masai alipachika bao la pili kwa Azam FC.
Bao hilo lilidumu dk mbili pekee kwa kuwa makosa ya safu ya ulinzi yalimpa manufaa Bright tena akapachika bao la usawa dk 76 na kufanya ubao wa Azam Complex kusoma Azam FC 2-2 Big Bullets.
Zilipoongezewa dk 30 hakukuwa na mbabe na Azam FC ilitolewa katika changamoto ya penalti ambaoo ilifunga 2-4 Big Bullets ambao watacheza fainali Jumamosi na Express ambao waliwatoa KMKM.
Bahati amesema kuwa vijana wake walipambana katika kusaka ushindi ila makosa ya kipindi cha kwanza yaliwagharimu na kuwafanya washindwe kushinda mchezo huo.