Azam: Tunamtaka Simba Nusu Fainali

Afisa Habari Klabu ya Azam, Hasheem Ibwe amesema kuwa kikosi chao kinaihofia zaidi Timu ya Ihefu badala ya Simba katika michuano ya Kombe la Shirikisho Tanzania Bara.

"Ihefu wanatutisha kuliko Simba SC, kwetu tunawataka Simba Nusu Fainali (FA). Fainali (FA ) tunataka tukutane na Young Africans, kuna sehemu kwa Young Africans watu wanapakosea kidogo tu," amesema Hasheem Ibwe.

Ikumbukwe kuwa, Simba imepangwa kucheza na Ihefu katika hatua ya robo fainali wakati tayari Azam FC ameshatinga nusu fainali baada ya kuifunga Mtibwa Sugar kwa bao 2-0.

Iwapo Simba atatusua na kutinga hatua ya nusu fainali atakutana na Azam FC katika kombe hilo.