Azam FC yapigwa 3-0 na Esperance De Tunis

Kikosi cha Azam Fc kimekubali kupokea kichapo cha bao 3-0 kutoka kwa Esperance De Tunis ya nchini Tunisia jioni ya leo, Jumatano, Julai 19, 2023 katika mchezo wa kirafiki uliopigwa nchini Tunisia.

Azam ipo nchini Tunisia kwa ajili ya kuweka kambi ya maandalizi kuelekea msimu mpya wa 2023/24.

Pamoja na wachezaji wengine, kikosi cha Azam kilisheheni nyota wake wapya waliosajiliwa hivi karibuni miongoni mwao akiwemo Feisal Salum Abdallah 'Fei Toto' ambaye amejiunga na miamba hao akitokea Yanga Sc.

Kupitia ukurasa wake wa Twitter, msemaji wa Azam FC, Hashim amepost matokeo hayo na kundika; "Tutaniane lakini usiniguse."