Prince Dube.
Uongozi wa Azam FC umesemna kuwa hakuna tena nafasi kwa Mshambuliaji wa timu hiyo, Prince Dube kurejea katika kikosi na kuanzia sasa umefunga mjadala wake hadi atakapokamilisha uvunjaji wa mkataba.
Kauli hiyo ya Azam FC imekuja muda mfupi baada ya Dube kutangaza rasmi kuachana na klabu yake hiyo ikiwa ni siku moja tu baada ya kudaiwa kuwa mpango wa kurejea kikosini ili kuungana na wenzake baada ya mwanzoni mwa juma hili kukutana na kocha Yousouf Dabo na kufanya naye mazungumzo.
Habari za uhakika kutoka ndani ya uongozi wa Azam FC zimelithibitisha kuwa vigogo wa timu hiyo wamepiga marufuku kwa Dube kuhudhuria mazoezi au kushiriki shughuli zozote za timu hiyo na wanachohitaji ni mchezaji huyo kulipa kiwango wanachohitaji kwa ajili ya kuvunja mkataba wake.
Azam Fc ilitoa baraka zote kwa Prince Dube kuondoka ndani ya klabu hiyo iwapo atafuata taratibu zote za kuvunja mkataba ambapo imetajwa kuwa atatakiwa kulipa kiasi cha Tsh 700+.
Leo Machi 7, 2024 mapema Prince Dube aliweka bayana kuwa amemalizana na Azam Fc baada ya kuachilia barua ya kuishukuru Azam kwa muda wote alioitumikia.
Dube hajajulikana anaelekea wapi baada ya kuachana na Azam lakini amekuwa akitajwa kujiunga na Yanga Sc.
Ni kweli Yanga Sc inauhitaji wa huduma ya Prince Dube?