Atoa bilioni 6.3 kuwatazama Ronaldo na Messi

Mfanyabiashara wa Saudi Arabia, Mushref al-Ghamdi amelipa zaidi ya Paundi milioni 2 ambayo ni zaidi ya Bilioni 6 na Milioni 344 kwa pesa ya Tanzania kununua tiketi ya VIP kushuhudia mchezo wa Kirafiki utakao wakutanisha Lionel Messi na Cristiano Ronaldo.

Tiketi hiyo ya VIP itamuwezesha mfanyabiashara huyo kuhudhuria sherehe ya ubingwa baada ya mchezo kumalizika lakini pia ataruhusiwa kuingia kwenye vyumba vya kubadilishia nguo za timu zote na kuwaona Messi na Ronaldo.

Mchezo huu wa kirafiki kati ya PSG ya Ufaransa anayochezea Messi na timu ya pamoja inayoundwa na wachezaji nyota kutoka klabu ya Al Nassr anayochezea Ronaldo na Al Hilal za Ligi Kuu ya Saudi Arabia na timu hii itaitwa Riyadh Season team.