Dominic Calvert-Lewin
Arsenal wanaripotiwa kuwa hawapangi tena kukimbizana sokoni na saini ya mshambuliaji wa Everton Dominic Calvert-Lewin kwenye dirisha la uhamisho la mwezi Januari.
The Gunners watashuhudia mikataba ya nyota wao Lacazette na Eddie Nketiah ikifika tamati msimu wa joto, huku kukiwa na sintofahamu juu ya hatma ya Pierre-Emerick Aubameyang na Folarin Balogun
Aubameyang alitemwa kwenye kikosi cha Arsenal kwenye mechi dhidi ya Southampton kwa sababu za kinidhamu, ikiwa ni mara ya pili kwa mwaka huu. Mikel Arteta anatarajia kuingia sokoni kumtafuta straika mwingine msimu wa joto.
Calvert-Lewin alikuwa kwenye rada za Arsenal kuelekea mwakani, lakini dili hilo linaonekana kuwa gumu kwa dirisha la mwezi Januari.
Kwa mujibu wa london.london, dau linalotajwa na Arsenal pamoja na hali ya afya ya Dominic Calvert-Lewin kwa sasa inapelekea ugumu wa kufanya mipango yotyote ya kukamilisha dili hilo mwezi Januari. Arsenal wanatarajiwa kusubiri hadi msimu wa joto kufanya biashara hii.
Calvert-Lewinamefunga magoli matatu kwenye mechi tatu za Ligi Kuu msimu huu, kabla ya kwenda nje kwa jeraha na mkataba wake wa sasa unadumu hadi mwaka 2025.