Arsenal wakwaa kisiki mbele ya Berntford

Wenyeji, Arsenal wamelazimishwa sare ya kufungana bao 1-1 na Brentford FC katika mchezo wa Ligi Kuu ya England Uwanja wa Emirates Jijini London.

Arsenal ilitangulia kwa bao la Leandro Trossard dakika ya 66, kabla ya Ivan Toney kuisawazishia Brentford FC dakika ya 74.

Kwa matokeo hayo Arsenal inafikisha pointi 51 na kuendelea kuongoza Ligi Kuu England kwa pointi sita zaidi ya mabingwa watetezi, Manchester City baada ya wote kucheza mechi 21.

Kwa upande wao, Brentford wanafikisha pointi 34, ingawa wanabaki nafasi ya nane, wakiizidi ponti tatu Chelsea baada ya wote kucheza mechi 22.