Arsenal vs Man City: Thomas Partey nje

Kiungo wa klabu ya Arsenal Thomas Partey anatarajiwa kuukosa mchezo wa kukata na shoka usiku wa leo dhidi ya klabu ya Manchester City baada ya kupata majeraha akiwa mazoezini.

Thomas Partey ataukosa mchezo dhidi ya Manchester City usiku huu utakaopigwa katika dimba la Emirates hiyo ni baada ya kupata majeraha ya misuli akiwa mazoezini kamamabavyo vyanzo mbalimbali vinaeleza, Hivo kumfanya mchezaji huyo kukosa mchezaji huyo muhimu.

Klabu ya Arsenal imekua imara sana katikati mwa kiwanja msimu huu na moja ya mchezaji ambaye ameweza kuimarisha eneo hilo ni kiungo huyo wa kimataifa wa Ghana, Ni wazi kukosekana kwake katika mchezo huo muhimu kunaweza kuwaathiri washika bunduki hao wa London kwa kiwango kikubwa.

Thomas Partey amekua akiandamwa na majeraha mara kwa mara ndani ya klabu hiyo tangu ajiunge nayo akitokea Atletico Madrid, Lakini hali ilikua tofauti msimu akicheza kwa kipindi kirefu bila kupata majeraha lakini amekuja kupata majeraha katika mchezo muhimu zaidi leo dhidi ya Manchester City.

Klabu ya Arsenal leo watakua na kibarua dhidi ya Manchester City katika dimba la Emirates lakini taarifa za kukosekana kwa kiungo Thomas Partey kumeendelea kuufanya mchezo huo kua mgumu zaidi kwao, Kwani kiungo huyo amekua mhimili mkubwa zaidi kwenye kikosi cha Arsenal tangu msimu unaanza mpaka sasa.