Andre Onana atua Ivory Coast kujiunga na Timu ya Taifa

Mlinda mlango namba moja wa timu ya taifa Cameroon, Andre Onana ametua nchini Ivory Coast kuungana na kikosi hicho akitokea Uingereza.

Onana alishindwa kujiunga mapema na kikosi hicho cha Simba Wasioshindika kutokana na majukumu ya klabu yake ya Manchster United ambayo jana jioni ilikuwa na mechi ya ligi nchini humo dhidi ya Tottenham Hotspour.

Mchezo huo na Spurs uliochezwa katika Uwanja wa Old Trafford aliodaka Onana kabla ya kuanza safari yake ulimalizika kwa sare ya kufungana 2-2

Kikosi cha Cameroon chini ya kocha Rigobert Song leo kitaanza mashindano hayo kwa mchezo wake dhidi ya Guinea. Kama Onana ataliwahi pambano hilo na kucheza atakuwa amecheza mechi mbili ndani ya saa 24.