Carlo Ancelotti akiwa na Vinicious Junior
Kocha mkuu wa Real Madrid Carlo Ancelotti amedai Vinicius Junior ndiye mchezaji bora zaidi duniani baada ya kuisaidia Los Blancos kutinga robo fainali ya Ligi ya Mabingwa Ulaya katika ushindi wa 1-0 dhidi ya Liverpool hapo jana.
Mbrazil huyo alitoa pasi ya bao la ushindi la Karim Benzema dakika ya 78 katika mchezo wa mkondo wa 16 bora, akiwa amefunga mara mbili na kutengeneza jingine katika ushindi wa 5-2 wa mkondo wa kwanza Anfield wiki tatu zilizopita.
Ancelotti alisema Vinicius alikuwa “mmoja wa wachezaji bora zaidi duniani” kabla ya pambano lao la Copa del Rey dhidi ya Barcelona mapema mwezi huu, na sasa haoni mtu bora zaidi.
Ancelotti amesema; “Kwangu mimi, yeye ndiye bora zaidi duniani. Leo hakufunga, lakini alicheza vizuri sana na kutoa pasi ya bao. Mchezaji huyo wa kimataifa wa Brazil amefunga mabao 19 msimu huu, pamoja na asisti 10.”
Vinicius ni mmoja wa wachezaji wawili pekee ambao wote wamefunga na kusaidia mabao 10-plus (mabao 13 na assist 10) katika matoleo matatu ya mwisho ya Ligi ya Mabingwa, pamoja na Kylian Mbappe (mabao 21 na asisti 11).
Mchezaji huyo mwenye umri wa miaka 22 alifurahia kampeni ya 2021-22 akiwa na mabao 17 ya LaLiga na 22 katika mashindano yote akiwa na Los Blancos huku akishinda ligi na Ligi ya Mabingwa mara mbili.
Vinicius alimaliza wa nane katika upigaji kura wa Ballon d’Or ya mwaka jana, iliyochukuliwa na mchezaji mwenzake Benzema, huku akishika nafasi ya 11 kwa tuzo ya Mchezaji Bora wa FIFA wa Wanaume aliyoshinda Lionel Messi mwezi uliopita.
Wakati huo huo, baada ya bao la Benzema, mfungaji alionekana kusumbuliwa na jeraha la kifundo cha mguu na nafasi yake kuchukuliwa na Rodrygo haraka.
Carlo amesema kuwa ni pigo na hakuna zaidi, na anatumaini hakutakuwa na shida