Amrabat majeraha tena

Kiungo wa timu ya taifa ya Morocco na klabu ya Manchester United Sofyan Amrabat anaripotiwa kuwa amepata maumivu ya mgongo ambayo yatamfanya akose michezo kadhaa.

Kiungo huyo ameumia akiwa kwenye majukumu ya timu yake ya taifa na tayari amereja England kujiunga na Man United.

Amrabat aliukosa mchezo wa kirafiki kati ya Morocco na Liberia mchezo ambao Morocco iliibuka na ushindi wa mabao 3-1.

Baada ya mchezo huo kocha wa Morocco Walid Regragui alithibitisha kuwa kiungo huyo amepata maumivu na ndio sababu ya kuukosa mchezo huo.

Taarifa za kuumia kwa Amrabati ni mbaya kwa kocha wa Manchester United Erik ten Hag kwa sababu kwa sasa kocha huyo anawakosa nyota kadhaa kutokana na majeraha.

Nyota wengine ambao wapo nje wa Manchester United ni Luke Shaw, Tyrell Malacia, Amad Diallo, Lisandro Martinez and Aaron Wan-Bissaka.

Baada ya kurejea England kiungo huyo amefanyiwa vipimo vya Afya, na kwa mujibu wa ripoti amekutwa na maumivu ya mgongo na atakaa nje ya uwanja ingawa haijawekwa wazi atakuwa nje kwa muda gani.