Amrabat ampa maua yake Erik Ten Hag

Kiungo mpya wa klabu ya Manchester United na timu ya taifa ya Morocco Sofyan Amrabat amefunguka na kusema kocha wa klabu hiyo ni moja ya watu muhimu kwenye maisha yake ya soka.

Sofyan Amrabat wakati anazungumza na tovuti ya klabu hiyo alionesha kufurahishwa na kitendo cha kukutana tena na kocha Ten Hag ambaye alimpa nafasi kwa mara ya kwanza na kumsifu kama moja ya watu wenye mchango mkubwa kwenye maisha yake ya soka.

Kiungo huyo anaeleza kua kocha Ten Hag aliweza kumuamini wakati akiwa kijana mdogo wa miaka 18 katika klabu ya Utrecht ya nchini Uholanzi ambapo alimpa nafasi ya kucheza timu ya wakubwa katika miaka miwili waliyokua pamoja mwaka 2015 mpaka 2017.

Kiungo huyo raia wa kimataifa wa Morocco anakiheshimu sana kitendo cha kocha huyo kumpa nafasi akiwa bado na umri mdogo, Huku akisema anajifunza mambo mengi kutoka kwa kocha huyo raia wa kimataifa wa Uholanzi.

Amrabat anaeleza pia anavutiwa na kocha Ten Hag kwakua ni kocha mwenye njaa, anataka kushinda kila siku, na ni mshindi huku akijifannisha nae kwakua nae anapenda kushinda kila siku hivo itakua jambo zuri wao kufanya kazi pamoja.