Dani Alves ataweza kucheza mechi ya kirafiki dhidi ya Boca Juniors
Mkongwe Dani Alves anatarajiwa kurejea tena dimbani kuwachezea Barcelona kwa mara nyingine wiki hii.
Alves alirejea Barcelona mwezi uliopita, baada ya kumaliza mda wake huko Brazil. Hata hivyo, alilazimika kukaa nje ya dimba kabla ya kuanza rasmi kibarua chake na Barca kwa mara nyingine.
Staa huyu ni miungoni mwa mwa wachezaji waliofanikiwa wakiwa na Barcelona, alikuwepo Camp Nou kwa miaka nane tangia mwaka 2008.
Alves amerejea kumaliza maisha yake ya soka akiwa Barcelona, amerejea akiwa na umri wa miaka 38 sasa.
Kutokana na muda ambao staa huyu amewasili klabuni hapo, hataweza kushiriki mechi yeyote ya ushindani hadi mwezi Januari, pale Xavi Hernandez atakapokuwa na nafasi ya kuongeza kikosi chake cha La Liga na Ligi ya Mabingwa.
Hata hivyo, Barcelona wameandaa mechi ya kirafiki dhidi ya Boca Juniors Jumatano hii, mechi hii imeandaliwa kwa heshima ya lejendi Diego Maradona, ikiwa ni mwaka mmoja tangu kufariki kwake, Alves anaweza kushiriki mechi hii.