Ally Kamwe: Kisasi chetu na Rivers ni Uwanjani si vinginevyo

Baada ya kupewa mapokezi yasiyoridhisha na wenyeji wao wakati wakijiandaa na mchezo wa Mkondo wa kwanza wa Robo Fainali nchini Ngeria.

Yanga wamesema wao hawatafanya kile ambacho wamefanyiwa Nigeria na badala yake kesi yao na Rivers ipo uwanjani tu na si vinginevyo.

Akizungumza Afisa Habari wa Yanga Ally Kamwe amesema;

“Sisi na Rivers kisasi chetu kipo kwenye pitch, mambo ya nje ya Uwanja sisi Yanga hatujaumbwa hivyo, hatuwezi kushindana na mtu kwenye roho mbaya, roho mbaya sio sifa, sisi ni Timu ya mfano kwa nchi hii sisi tutashindana nao kwenye uwanja.

“Tutawapokea vizuri tutawapa na magari mapya kabisa karatasi wachane wao, sisi tunawasubiri jumapili pale uwanjani ndio sehemu pekee tuna shida nao,” Ally Kamwe

Yanga wataikaribisha Rivers United katika mchezo wa mkaondo wa pili wa Robo Fainali Kombe la Shirikisho Afrika April 30 katika Uwanja wa Mkapa.