Alexander Song atundika daluga

Kiungo wa zamani wa Barcelona na Arsenal, Alexander Song amestaafu kucheza soka.

Song 36, raia wa Cameroon alianza kucheza soka akiwa Bastia ya Ufaransa, kabla ya 2006 kwenda Arsenal kwa mkopo na baadaye kusajiliwa moja kwa moja.

Mwaka 2012 alijiunga na Barcelona, baada ya misimu miwili, Song alirejea England kunako West Ham United, baada ya msimu mmoja alijiunga na Rubin Kazan ya Urusi.

Mpaka anastaafu, Song alikuwa akikipiga AS Arta/Solar7 ya nchini Djibouti.