Alex Ngereza: Robertinho hawezi kuifanya Simba kuwa tishio, wamrudishe Mgunda

Wakati huu ambapo Mashabiki na Wapenzi wengi wa soka nchini wameonekana kutoridhishwa na kiwango cha Timu ya Simba SC iliyopo chini ya Mbrazil Roberto Oliviera Robertinho.

Wengi wamekuwa wakiifananisha Simba hii ya sasa na ile ya Miaka mitatu iliyopita ambayo ilifanya makubwa katika Michuano ya ndani na Kimataifa.

Sasa Mchambuzi wa Michezo kutoka TV3 Alex ngereza nae ametoa neno kuhusu Kocha huyo na kikosi cha Simba kiujumla.

Ngereza ameandika;

"Sidhani kama Robertinho anaweza kuirudisha Simba kwenye ile system ya zamani ambayo iliifanya Simba kuwa tishio kwenye bara la Africa

Simba ile ilikuwa ni hatari ikiwa na mpira na ikiwa haina mpira lakini ukiangalia hii Simba ya Robertinho haina ubunifu wowote kwenye safu kiungo kwenda safu ya ushambuliaji wala sio timu tishio tena ikiwa haina mpira kama zamani

Kinachosababisha hili kutokea ni kwasababu Robertinho anataka kuitengeneza timu anavyotaka yeye na sio kutokana na aina ya wachezaji waliopo

Wachezaji wengi wa Simba wana sifa za kumiliki sana mpira na sio kucheza direct kama ambavyo Robertinho anataka ndio maana wachezaji wengi wa Simba wanaonekana kufanya vibaya kwasababu wanacheza style ambayo ni ngumu kwao kutokana na aina yao ya uchezaji

Huu ni wakati wa Simba kumrudisha Juma Mgunda kwenye kikosi kama itashindikana Simba wanaweza kufanya vibaya hata kwenye mashindano ya kimataifa"