Ibrahima Ajib
Siku moja baada ya kuagwa rasmi Azam FC, Kiungo Mshambuliaji Ibrahim Ajibu amekamilisha dili la kujiunga na Klabu ya Singida Big Stars, inayoshiriki Ligi Kuu Tanzania Bara msimu huu 2022/23.
Kiungo huyo aaliyewahi kuzitumikia Simba SC na YoungA fricans kwa nyakati tofauti, amejiunga na Miamba hiyo ya Singida kwa mkataba wa miaka miwili, na wakati wowote anatarajiwa kuonekana kwenye kikosi cha kwanza cha Kocha Hans Van Der Pluijm.
Ajibu amekubali kusaini mkataba wa miaka miwili akitokea Azam FC, baada ya kuelezwa aligoma kwenda Polisi Tanzania inayofundishwa na Kocha wa zamani wa Yanga, Mwinyi Zahera.
Ajibu ambaye ni zao la timu ya vijana ya Simba SC amekuwa akitajwa mara kwa mara kuwa miongoni mwa viungo bora zaidi Tanzania, ingawa hakupata nafasi ya kucheza kwenye kikosi cha kwanza cha Azam FC.