Ahmed Ally asimulia walivyompora Ngoma Airport

Meneja wa Habari na Mawasiliano wa Simba SC, Ahmed Ally, leo Agosti Mosi, 2023 amesimulia jinsi walivyowapora wapinzani wao Yanga kiungo mtaka umeme, Fabrice Ngoma.

Ahmed amesimulia ishu hiyo leo alipokuwa Buza kwenye shamrashamra za wiki ya Simba Day ambapo alieleza jinsi siku hiyo mambo yalivyokuwa.

"Tulifika pale saa usiku tukawakuta watu wamelala, sisi tukaangalia ubao wa ndeg zinazoingia tukaona saa tisa inaingia ndege kutoka Kongo.

"Ilipofika sisi tukamkamata mkono, tukamwambia sikia wewe Wakongo wenzako wote kule wanaondoka, njoo Simba. Na yeye bila hiyana alikubali sababu walikuwa wanamueleza malalamiko yao kila wakirudi kule kwao," alisema Ahmed.