Ahmed Ally: Tumepata mpinzani mgumu katika Historia yetu

Meneja Mawasiliano wa Simba, Ahmed Ally amefunguka baada ta droo ya robo fainali kumalizika na kupangwa kucheza dhidi ya Wydad Casablanca.

"Ni lazima tukiri kuwa tumepata mpinzani mgumu kwenye hatua ya robo fainali na pengine ni mpinzani mgumu zaidi tangu tuanze kushiriki hatua hii.

Hapa unamzungumzia bingwa mtetezi, unamzungumzia mshiriki wa Club World Cup, unazungumzia timu yenye wachezaji waliotoka nusu fainali ya Kombe la Dunia.

Huu ni mlima mrefu kwetu lakini hatuna budi kuupanda na kufika kileleni. Ili uwe mkubwa Afrika ni lazima uwafunge wakubwa wa bara hili.

Inawezekana sana Simba kupata ushindi dhidi ya Wydad kama tuu kila idara ndani ya taasisi yetu itatimiza wajibu wake kwa asilimia 100.

Kama tulivyomvua ubingwa Zamalek mwaka 2003 ni wakati sasa kumvua ubingwa Wydad. Let’s goo wana Lunyasi, Let’s goo wana Simba let’s wana Msimbazi mapambano yanaanza sasa,"