Ahmed Ally: Simba tunawataka Yanga Fainali

Meneja wa Habari na Mawasiliano wa Klabu ya Simba, Ahmed Ally amesema kuwa wana uhakika katika mchezo wao wa leo wa Nusu Fainali ya Azam Sports Federation Cup wataifunga Azam na kutinga fainali.

Ahmed amesema kuwa wanatamani kukutana tena na Wtani wao wa Jadi, Yanga ili wawafunge na kunyakua ubingwa huo ambao kwao ndio faraja kubwa kwa mashabiki wao msimu huu.

"Azam FC huwa wanahitaji kila kitu kwenye maisha yao, tatizo ni ubora. Sasa hivi wanahitaji ndoo ya Azam Sports Federation Cup na sisi pia tunaihitaji lakini sisi ni bora uliko wao kwenye upande wa ufundi kwa hiyo tunafaida zaidi ya kuchukua ubingwa.

"Sisi tuna watu wengi wa kutuuliza tumefanya nini msimu huu lakini Azam hawana hao watu wa kuwauliza ndio maana hata wakati wanaingia Mtwara kulikuwa kimya.

"Beka na Bakari tunajua nani tunakutana nae kwenye Fainali ya ASFC, sisi tunamuhitaji kwa sababu bado hatujamalizana nae. Tunamtaka pale Mkwakwani tukampige mbili na zile nyingine ambazo tulimkosa.

"Jean Baleke bado hajawaweka, haiwezekani mshambuliaji kama Baleke akamaliza msimu hajawafunga! Yani awafunge Raja Casablanca halafu asiwafunge wao. Tunawasubiri Mkwakwani," amesema Ahmed Ally.