Afya ya Amrabat yaibua maswali Man United, Morocco

Kiungo mpya wa Manchester United, Sofyan Amrabat yupo fiti na amejumuishwa katika kikosi cha timu ya taifa ya Morocco kwa ajili ya mechi za kufuzu fainali za Kombe la Mataifa ya Afrika (AFCON).

Taarifa ya awali zilidai kiungo huyo vipimo vyake viligundulika kuwa ana tatizo la mgongo kama straika mpya Rasmus Hojlund wakati anajiunga akitokea Atalanta.

Jambo hilo lilizua taharuki kwa mashabiki, lakini imeripotiwa kwamba kiungo huyo hatakuwa nje ya uwanja kwa wiki sita kama ilivyoelezwa siku chache baada ya kutambulishwa.