Afungiwa mechi 3 kwa kumkanyaga Yao Kouassi

Kamati ya Uendeshaji na Usimamizi wa Ligi ya Bodi ya Ligi Kuu Tanzania imemtoza faini ya Sh1 milioni mchezaji wa Tanzania Prisons Jeremiah Juma na kumfungia mechi tatu (3) kwa kosa la kumkanyaga kwa makusudi mlinzi wa Yanga Kouassi Yao.

Kamati imempa adhabu hiyo Jeremiah baada ya kufanya kitendo hicho katika mchezo wa Ligi Kuu Bara kati ya Tanzania Prisons na Yanga uliochezwa Jumapili Februari 11, 2024 kwenye Uwanja wa Sokoine, Mbeya

Tanzania Prisons ilipoteza kwa mabao 2-1