Adama Bojang awaniwa Ulaya

Mshambuliaji anayechipukia wa Gambia, Adama Bojang (18) ambaye amekuwa nyota katika michuano ya AFCON kwa chini ya miaka 20, anatajwa kuangaliwa sana na timu kubwa za Ulaya.

Bojang ameisaidia timu yake ya Scorpions kuingia fainali na kwa umahiri wake amepewa jina la "The Gambian Hurricane" (Kimbunga cha Gambia).

Tetesi zinadai kuwa baadhi ya klabu mfano Tottenham, Nottingham Forest, Marseille na Ajax zinamfuatilia kwa karibu sana kijana huyo ambaye tangu akiwa mtoto amekuwa akisimamiwa kimazoezi na babu yake.

"Nimezisikia hizo habari, najisikia vizuri, zinaniongezea hamasa, hata hivyo ninazingatia zaidi uthabiti huo ndio utawafanya wawe na kiu zaidi na mimi".